هل تعاني مشاكل مع الأهل؟

مرحبا كيفكون؟
حبيت أطرح عليكون سؤال وبحب أخود رأيي كل واحد
90% من الشباب بيعانو من مشاكل الأهل و بقولو أهلنا دقة قديمة و مانون فري و و و و ......
بعض الناس بيعانو من مشاكل تانية متل العادات والتقاليد : أهلي بدون يجوزوني على كيفون,أهلي ما بخلوني أحكي مع رفيقتي الفلانية لأنو فقرا.
و كتيييير من هالقصص...
بتمنى من كل شخص بيعاني من أي مشكلة مع أهلو أو أسلوبون معو يفش خلقو و يحكيلنا و نحن منساعدو أو عالقليلة منقللو مين الصح ومين الغلط
والرجاء من الكل يشاركنا برأيو و يعطينا حكمتو بالحياة...



تقبلو فائق احترامي....

المصدر: منتديات سوريا دومينال - من قسم: لمن يجرؤ فقط

---

lah;g hgHig? juhgd

موضوع رائع جداً جودي شكراً لكِ

بالنسبة إلي لا يوجود مشاكل من حيث هذا الامور .. اعتقد انه هذا الامور البنات اكثر من شباب ,, تسبب المشاكل مع الاهل

حمكتي :

أسعد الناس ليسوا من يملكون الأفضل من كل شئ ..!إنما هم من استخرجوا " الأفضل "مما مر في حياتهم ..!

تقبلي مروري

"يا ما اللو كبير بيشتريلو كبير"

ميرسي kaka لردك عالموضوع بس أنا انتبهت في شباب كمان عم يعانو من هالأمور و خاصة لما الأهل برفضو البنت يللي حباها الشب و هو بحتار بين الأهل والحبيبة و أنا هاد يللي دفعني اطرح هيك موضوع.....انشالله يكون عجبك و عند حظن ظنك...


اهلين شروق ميرسي على رأيك و عنجد أنا رأيي نفس رأيك بس المشكلة في أوقات بعض الأهل أو بعض الشباب و الصبايا ما بفكرو هيك متلك
ميرسي على مرورك تقبلي فائق احترامي

<div align='center'><span style="font-family:Arial">السلام عليكــم ورحمـة الله وبركاتــة ،،

في عصر السرعة والانفتاح وشعور الشباب بأن العالم اصبح قرية صغيرة

ينزعج بعض الشباب من رأي الاهل بهذا الامر فهو يريد أن يعيش كما هو يحب

لكن الاهل من يوم الذي كان هو طفل صغير وهم يرسموه له مستقبله لان الاهل

دائما يردون ان يكون ابنهم في المقدمة دائما وهنا تكون اول الصدامات مع الاهل

ونتيجة هذا الصدام تبدء المشاكل مع الاهل


شكرا لك ع هذا الموضوع الرائع

الله يعطيك العافية يارب

تقبلو فائق احترامي </span></div>

<div align='center'>

المشاكل مع الاهل لابد منها بهذه الايام
بس الاهل هم عطول الصح لانهم خبرة بالحياة
وانا بشكر اهلي لاهتمامهم بي
وبعتذر منهم عن المشاكل اللي سببتها لهم

وشكرا لك على الموضوع الحلو</div>

نوكيا و RAWAD
مشكورين عالاقتباس و منكم نستفيد بس ما عطيتونا حكمتكون بالحياة
تقبلو فائق احترامي

ممممممممممم

موضوع عن فش الخلق ............. روحي فش الخلق انا و خصوصي إزا كان عن بشوات المنزل

هلأ أنا بدي أفهم شغلة وحدة ..... ليش الأهل بظل طالعة الغبرة عليهون دوما ؟؟؟ شغلة الدقة القديمة هادي متى بدنا نخلص منها ؟؟؟
أبسط شي يلي هي المراهقة : مرحلة تغيير شاملة بكل شي في الشخص ..... ليش ما بيحكو الأهل انو نحنا كنا متلون ؟؟؟ او يتزكرو حالون شوي لما كانو بالمرحلة هادي ؟؟؟ ولا الأعتراف بالحق إجرام ..... ممكن تكون ايامون غير ايامنا (ما اختلفنا) بس بظل مرحلة تغييير , يعني كل شي وارد فيها و إزا متل ما قلتو هنن الخبرة يعني لازم يوعوا الأولاد صح حتى لو الولد ما كان متعاون معون .....
اما بالنسبة للمبادئ (بلى العادات و التقاليد) فما ممكن حدا يغير مبدأ البني آدم إزا كان مرسخ فيو على السوا ..... حتى لو غاب عنو بظل فيو المبدأ تبعو ما بتبدل و بورثوا ياه لأولادو و هون بيجي دور الاهل بالتربية ...... مو و الله ترباية على العادات و التقاليد القديمة المغبرة يلي طالعة منا ريحة العفن ..... نقطة أخيرة , ما في حدا ما بيجي علي الدنيا بيعرف كل شي يعني كل شخص بدو يتعلم و يتربى لازم ياكل الهوا بالمعلقة و ينضرب على راسو ستين مرة ليتلعم مزبوط ..... يعني مو معقول انا آخد شهادة السواقة و انا قارئ الجزء النظري فقط ..... لازم اسوي أختبار عملي كمان ليصير عندي الشهادة ..... نفس الشي الحياة انا اليوم باخد القسم النظري من الأهل و القسم العلمي انا بتعلمو من الحياة

بشكرك جودي على طرح الموضوع هاد ..

بالنسبة إلي انا مع العادات والتقاليد بس بشكل تاني ، يعني مبدأ العادة ما منغيرو لأنو ثابت .. بس لازم نغير بالمحتوى العام للعادة لأنو لكل وئت زمانو الخاص فيه .. وما بصير حدا ياخد زمنو وزمن غيرو .. مثال بسيط : انا ممكن اتجوز متل العادة ( خطبة كتب كتاب بعدين عرس .. ) بس ما من الضروري أهلي هنن يختارولي العروس ، طبعا هاد مثال بسيط ..
يعني الأهل ممكن يكونو على حق 80% بس مو عطول لأنو الزمن اللي نحنا فيه بيختلف كليا على زمنن وانا برأيي الأهل الصح هنن اللي بيتغيرو مع تغير الزمن ليعرفو يربو ولادن صح .

بس كمان لازم ما نطلع عن شورن .. يعني برأيي محاولة الاقناع والنقاش أفضل الطرق لتبعد عن المشاكل مع الأهل ..

تحياتي إلك جودي وبشكرك عن جد مرة تانية على الموضوع المهم ..

صباح الخير جودي
والله يا عزيزتي اذا بدك تجي للحق كل النهار بتخانق مع اهلي
وعلى قولة هيك ما بصير و هيك ما بيمشي وهيك العالم بتحكي علينا وهيك مابيناسبك انتي بنت
اكتر شي بيزعجني فعلا او بعمل مشكلة طويلة عريضة بس يقولولي انتي بنت
شو يعني الشب الله خلقوا والبنت العفاريت خلقتها ......؟؟؟؟؟؟
في عنا عادات متعفنة وطالعة ريحتها بس مع الاسف كتير من الناس بعدها بتمشي عليها
مثلا موضوع الشغل لحد الان في كتير ناس ما عم تقدر تتأقلم مع موضوع عمل البنت
سواء كانت متزوجة ام لا .....و بصير لازم يعرفواكل شي عن صاحب الشغل
وكل يوم في استنطاق للبنت .. مين شفتي ... شو عملتي ... وشو حكيتي ... ومن هالاسئلة
يلي بتقصر العمر
شو الحل برأيكن ... بس بليز ما تقولولي الشغلة شغلة ثقة
في كتير ناس بناتهن بيدرسوا بعيد عنهن وانا منهن ولما بصير وقت الشغل بتركب العلة
يعني لو ما عندهن ثقة ببنتهن كانوا ماخلوها تبعد عنهن وتدرس
اشمعنى يعني الشغل ... خط احمر